Անսովոր արտաքին ունեցող մի տղամարդ ամուսնացավ իրենից 17 տարով փոքր աղջկա հետ և դարձավ վեց երեխաների հայր։ Ահա թե ինչ տեսք ունի նրա ընտանիքը։

Գոդֆրի Բագումայի կյանքը կարող էր լրիվ այլ ուղի ընտրել, եթե նա թույլ տար, որ հասարակությունը կոտրի իրեն։ Ծնված լինելով Ուգանդայում՝ նա աշխարհ է եկել հազվադեպ գենետիկ հիվանդությամբ, որը ձևախախտել էր նրա գանգը և ոսկորները։ Երկար ժամանակ նա ապրել է ստվերում։

Նրա անսովոր արտաքինն առաջացրել է ծաղրանք, վախ և նույնիսկ զզվանք։ Գոդֆրին աշխատում էր որպես կոշկակար մի փոքրիկ քաղաքում՝ փորձելով խուսափել ավելորդ ուշադրությունից և պարզապես գոյատևել։

2002 թվականին, ցանկանալով փոխել իր կյանքը, նա մասնակցեց մի մրցույթի, որը դժվար թե կարելի լիներ կոչել արժանապատիվ՝ Ուգանդայի «ամենատգեղ տղամարդու» մրցույթին։

Այդ ժամանակ նա մտածում էր, որ կորցնելու ոչինչ չունի։ Բայց անսպասելիորեն իր խարիզման, հումորի զգացումը և յուրահատուկ արտաքինն իրեն ապահովեցին անվերապահ հաղթանակ։ Այդ պահից նրա կյանքը կտրուկ փոխվեց։

Նա դարձավ հայտնի մարդ։ Մարդիկ սկսեցին ճանաչել նրան փողոցում, հրավիրել ռադիո և հեռուստատեսային ծրագրերի։ Նա հասկացավ, որ իր առանձնահատկությունը կարող է լինել ոչ թե անեծք, այլ նվեր։

Բագուման թողեց կոշկակարի աշխատանքը և դուրս եկավ բեմ։ Սկզբում հանդես եկավ որպես հումորիստ, հետո՝ որպես երգիչ։ Նա սկսեց ելույթ ունենալ խմբի հետ և գրել երգեր, որոնցում պատմում էր իր կյանքի մասին։

Սակայն իր կյանքի ամենամեծ հաղթանակը ոչ թե հայտնի դառնալն էր, այլ սերը։ Քեյթ Նամանդան, որը իրենից 17 տարով փոքր էր, նրան չէր տեսնում որպես «ամենատգեղ տղամարդ», այլ որպես բարի, հոգատար և ուժեղ մարդ։

Նրանց հարաբերությունները միշտ չէ, որ հեշտ են եղել․ շրջապատողները դատում էին նրանց, ծաղրում և կասկածում նրանց զգացմունքների անկեղծությանը։

Այսօր նրանք երջանիկ զույգ են՝ վեց երեխաներով։ Գոդֆրին նաև երկու երեխա ունի իր առաջին ամուսնությունից։

Բոլոր երեխաները լիովին առողջ են, երջանիկ և հպարտ իրենց հայրով։

Այսօր էլ նա շարունակում է ելույթ ունենալ բեմում, մասնակցել բարեգործական ծրագրերի և ոգեշնչել մարդկանց ամբողջ աշխարհում։