Հայկական շոու-բիզնեսի ներկայացուցիչներն այս տարի ևս հետևել են Տյառնընդառաջի (Տրնդեզ) ավանդույթներին՝ իրենց սոցիալական էջերում կիսվելով տոնական դրվագներով: Տոնի նախապատրաստական փուլն ու ազգային խոհանոցի գլխավոր նմուշների պատրաստման ընթացքը ներկայացրել է դերասանուհի Ռոզա Դավթյանը: Նրա հրապարակած տեսանյութերում պատկերված է հալվայի ու գաթայի պատրաստումը, ինչպես նաև տոնական սեղանը՝ զարդարված ազգային էլեմենտներով:
Տոնի խորհրդին համապատասխան՝ իրենց հրապարակումներում խարույկի վրայով թռիչքի կադրերով են կիսվել նաև մոդել Մոնիկա Գրիգորյանը և պարուհի Սոֆի Դևոյանը: Սոֆի Դևոյանի դեպքում տոնական միջոցառումն անցկացվել է եկեղեցու բակում, ինչը փաստում են հրապարակված կադրերը, իսկ Մոնիկա Գրիգորյանը ներկայացրել է տեսանյութ երեկոյան տոնակատարությունից:
Բոլոր հայտնիները հրապարակումներին կից շնորհավորել են իրենց հետևորդներին՝ զետեղելով «Շնորհավոր Տյառնընդառաջ» մակագրությունը և փոխանցելով օրվա տոնական մթնոլորտը:
