Նեղոսի մերձափնյա Զամալեկ թաղամասն անվանում են դեսպանատների թաղամաս։ Այստեղ է գտնվում նաև Հայաստանի Հանրապետության դեսպանատունը։ Այն համարվում է Զամալեկի ճարտարապետական զարդը։sdfds
Մեր դեսպանության շենքը գեղեցիկներից մեկն է։ Կահիրեում ունեն մի ցուցակ՝ «Ուր այցելել Կահիրեում», որտեղ մեր շենքը առաջին քսանյակի մեջ է։ Իր գեղեցիկ ճարտարապետական տեսքով այն տարբերվում է Կահիրեի մյուս շատ գեղեցիկ պալատներից ու շենքերից»։
Կահիրեյում զբոսնելիս ամեն քայլափոխի կնկատես հայ մեծանունուն բարերարների հետքն ու նրանց լուսանկարները: Հայերն ունեցել են այնպիսի ականավոր քաղաքական դեմքեր, ովքեր լուրջ դերակատարում են ունեցել ոչ միայն եգիպտական համայնքի, այլ նաև ամբողջ հայության կյանքում
Հայկական դեսպանության շենքը եղել է Սաթենիկ Չագրի առանձնատունը։ Բարերարուհին իր կալվածքը՝ շուրջ 4000քմ, 1976 թվականին նվիրաբերել է Հայկական բարեգործական ընդհանուր միությանը:
Հայրենիք-սփյուռք միասնության պաշտոնական կառույցը, որը և՛ դեսպանատուն է, և՛ հյուպատոսարան, գրեթե մեկդարյա կառույց է։ 1927 թվականին շենքը կառուցել է հայ ճարտարապետ Արամ Անդրանիկյանը։ Պատմամշակութային արժեք համարվող այս շինության կառուցվածքը հետաքրքրում է նաև մերօրյա ճարտարապետներին։
