Ժամանակակից աշխարհում երեխաների և տեխնոլոգիաների հարաբերությունները դարձել են ամենաքննարկվող թեմաներից մեկը: Հայտնի երգչուհի Սիրուշոն և նրա ամուսինը՝ Լևոն Քոչարյանը, իրենց վերջին տեսանյութում անդրադարձել են այս խնդրին՝ կիսվելով սեփական փորձով և մոտեցումներով:
Զույգը նշում է, որ իրենք բավականին խիստ են այս հարցում և փորձում են պաշտպանել երեխաներին էկրանների բացասական ազդեցությունից.
Սիրուշոն նշեց, որ իրենց երեխաները դեռևս անձնական հեռախոսներ չունեն: Չնայած ավագ որդին արդեն 12 տարեկան է, ծնողները որոշել են հնարավորինս երկարաձգել այդ պահը:
•Երեխաներն օգտվում են iPad-ից, սակայն այն ունի խիստ սահմանափակում՝ օրական ընդամենը 1 ժամ: Լևոն Քոչարյանը նշեց, որ անձամբ է վերահսկում այդ ժամանակը իր հեռախոսի միջոցով:
• Լևոնը շեշտեց, որ չափից շատ էկրանին նայելը վատ է անդրադառնում երեխայի զարգացման վրա, և իրենց մանկության տարիներին նման խնդիր չի եղել:
«Մենք փորձում ենք հնարավորինս ձգել հեռախոս չտալու պահը, բայց մյուս կողմից՝ ուզում եմ, որ երեխաները կարողանան տեխնոլոգիաները ճիշտ օգտագործել՝ օրինակ, AI-ից օգտվել կամ ուսուցողական հոլովակներ դիտել», – նշում է Սիրուշոն:
Սիրուշոն կարևորեց այն փաստը, որ տեխնոլոգիաները պետք է ծառայեն ինքնակրթությանը: Նա պատմեց, որ երեխաները YouTube-ով դիտում են խոհարարական դասեր կամ փնտրում են իրենց հետաքրքրող գրքերը:
Սիրուշոյի և Լևոն Քոչարյանի մոտեցումը հիշեցում է բոլոր ծնողներին, որ թվային դարաշրջանում կարևոր է ոչ թե տեխնոլոգիաների լիակատար արգելքը, այլ գիտակից վերահսկողությունը և ճիշտ օրինակ ծառայելը:
Սիրուշոն նշեց, որ Զաբելն իրենց տան ամենափոքրն է և հանդիսանում է իրենց մեծագույն ուրախությունը: Լևոն Քոչարյանն իր հերթին հավելեց, որ աղջնակն իրենց համար պարզապես «կյանք» է:
Հետաքրքրական է, որ երբ զույգին հարցնում են՝ արդյոք աղջիկ երեխան տարբերվում է տղաներից, նրանք միակարծիք են.
«Հարցը աղջիկ կամ տղա լինելը չէ, պարզապես յուրաքանչյուր երեխա յուրովի է և յուրահատուկ իր բնավորությամբ»,- նշեց Սիրուշոն։
Լևոն Քոչարյանը կիսվեց մի պատմությամբ, թե ինչպես է Զաբելը կարոտում իրեն, երբ նա զբաղված է լինում աշխատանքային հանդիպումներով: Նա պատմեց, որ մի քանի օր շարունակ դուստրը իրեն չէր տեսել, քանի որ Լևոնը տուն էր գալիս ուշ, երբ երեխան արդեն քնած էր լինում:
Մի առավոտ, երբ Լևոնը պատրաստվում էր տանից դուրս գալ, Զաբելը տեսել է նրան ու հարցրել. «Պապա, վաղն էլ կգա՞ս»: Այս անմեղ հարցը հուզել և միաժամանակ զվարճացրել է ծնողներին՝ ընդգծելով երեխայի կարոտը:
Սիրուշոն նաև ընդգծեց Զաբելի բաց և շփվող բնավորությունը: Ըստ երգչուհու՝ աղջնակը շատ անմիջական է.
