Սոճու և եղևնու կոներն օժտված են հիանալի բուժիչ հատկություններով: Կանաչ կոները պարունակում են եթերային յուղեր, տանիններ, ֆլավոնոիդներ, վիտամիններ, երկաթ, մագնեզիում, սելեն: Բուժիչ նպատակներով օգտագործվում են կանաչ կոները: Երբ է պետք հավաքել Ոմանք կարծում են, որ լավագույն ժամկետը
հունիսի 21-ից 25-ն է: Սակայն որոշ բաղադրատոմսերում նշվում է մայիսի 30-ից մինչեւ հունիսի 20-ը ընկած ժամանակահատվածը: Երիկամային քարերից ազատվելու համար կաթսայի մեջ լցնել կանաչ կոներ և ջուր ավելացնել այնքան, որ ծածկի կոները: Եռացնել 5 րոպե, թողնել սառչի, քամել և խմել օրական 3 անգամ 1/3 բաժակ ուտելուց հետո: Բուժման կուրսը 3 շաբաթ: Բրոնխիտից և հազից ազատվելու համար պետք է կոները հավաքել մայիսի 15-ից
մինչև հունիսի 15-ն ընկած ժամանակահատվածում: 50-60 կոնի վրա 2 լիտր ջուր լցնել, եռացնել եւ եփել 2 ժամ մարմանդ կրակի վրա, ավելացնել 2 կգ շաքարավազ եւ եռացնել եւս 1.5 ժամ ցածր ջերմության վրա: Մուրաբան ընդունել օրը 3 անգամ 1-ական ճաշի գդալ ուտելուց 10 րոպե առաջ: Կոներից պատրաստվող մեղրը ամրապնդում է իմունային համակարգը: Անհրաժեշտ է հավաքել 1 կգ հասուն կոներ, բաժանել յուրաքանչյուրը 4 մասի, դնել էմալապատ կաթսայի մեջ և լցնել 3 լիտր ջուր: Մարմանդ կրակի վրա եփել մինչև կոները փափկեն, ապա քամել, ավելացնել 1 կգ շաքարավազ և հասցնել եռման:
Պատրաստի մեղրը լցնել բանկաների մեջ և ավելացնել մի պտղունց կիտրոնաթթու: Կանաչ կոներից պատրաստված մուրաբան բարձրացնում է հեմոգլոբինի մակարդակը: 50 գրամ մանրացված կոների վրա լցնել 1 լիտր սառը ջուր, հասցնել եռման, եփել 20 րոպե թույլ կրակի վրա, կրակից վերցնել և սառեցնել, այնուհետև ավելացնել 500 գ շաքարավազ և կրկին հասցնել եռման, սակայն չեռացնել: Պահել սառը տեղում:
