Ընկերուհիս լավ վաստակում է, հաճախակի մեկնում է հանգստի, մեքենա է վարում, ապրում է սեփական տան մեջ:
Սակայն նրա անձնական կյանքը չի դասավորվում: Երկու ամուսնություն և երկու ամուսնալուծություն: Ամուսիններից ոչ մեկը չի կարողացել նրան տալ այն, ինչ ինքը ցանկացել է:
Նշեմ, որ ընկերուհիս հմայիչ խնամված կին է, երբեք չի դժգոհում տղամարդկանց կողմից ուշադրության պակասից:
Մի երկու ամիս առաջ էլ ընկերուհիս պատմեց, որ նոր տղամարդու հետ է հանդիպում. նա ամուսնացած է: Ընկերուհիս դարձել է նրա սիրուհին…
Արսենն ասել է, որ կնոջ հետ լավ հաբարությունների մեջ չէ, սակայն նրա հետ է հանուն երեխաների: Ընտանիք ունենալու պատճառով սիրահարները միասին շատ քիչ ժամանակ էին անցկացնում:
Մի շաբաթ առաջ ընկերուհիս իմ տանն էր, երբ զանգեց Արսենը. նա առաջարկում էր հանդիպել: Ընկերուհիս ասաց, որ ժամանակ չունի, քանի որ արդեն հասցրել է պլաններ կազմել, ինչին տղամարդը պատասխանեց.
–Ուրեմն ես պիտի երկրորդ սիրուհի գտնեմ, որ լրացնեմ քո բացակայությունը:
Երկու օր առաջ զանգեց ընկերուհիս և պատմեց.
-Գիտես, այն օրվանից հետո երեք անգամ զանգել եմ Արսենին, որ հանդիպենք, իսկ նա ասաց, որ ժամանակ չունի: Իսկ երբ ես ասացի, որ երևի պիտի երկրորդ սիրեկան գտնեմ, որ լրացնեմ նրա բացը, պատասխանեց, որ դրա մեջ ոչ մի սարսափելի բան չկա: Այսինքն նա թքած ունի մեր հարաբերությունների վրա:
Եթե անկեղծ, խղճացի ընկերուհուս: Բայց չէ որ պետք էր մտածել՝ նախքան ամուսնացած տղամարդու հետ հարաբերություններ ունենալը: Եթե նա դավաճանել է կնոջը, սիրուհուն դավաճանեը նրա համար միանշանակ դժվար չի լինի…