Երբեք չէի մտածի, որ կարելի է նման բան անել: Ապրում, ապրում ես ու չես դադարում նորն իմանալ ու զարմանալ: Կիսվում եմ մի խորամանկությամբ, որը կապված է զուգագուլպաների հետ:
Ես միշտ սառցարանի մեջ պահում եմ զուգագուլպա, որի փաթեթավորումը դեռ չեմ բացել: Այժմ կպատմեմ, թե ինչի համար եմ նման բան անում: Եթե կարծեցիք, որ սառցարանում եմ պահում իմ բոլոր զուգագուլպաները, ասեմ, որ սխալվեցիք: Միայն նորն եմ դնում, իսկ մնացածը զգեստապահարանիս մեջ են: Բոլոր կանանց քաջ ծանոթ է,
թե որքան կարճ է նոր զուգագուլպայի կյանքը: Դրանք կարող են փչանալ 1 անգամ կրելուց հետո: Հատկապես տհաճ է, երբ զուգագուլպան բավականին թանկարժեք էր: Ու որպեսզի այն չլինի մեկանգամյա օգտագործման, կարողանամ ավելի երկար կրել, դեռ նոր ժամանակ ուղարկում եմ սառցարանը: Դրանից հետո կապրոնե թելերը ավելի
ձիգ են դառնում, էլաստիկ, ինչի շնորհիվ ավելի ուշ են փչանում: Չեմ կարծում, որ այս մեթոդը կօգնի ամենաէժան զուգագուլպաների դեպքում, բայց փորձել կարելի է: Նոր զուգագուլպան դնում եմ սառցարանը, հանում այն մեկը, որը վաղուց էր դրված ու հագնում: Իսկ դուք զուգագուլպաների ծառայության ժամկետը երկարաձգելու ի՞նչ հնարքներ գիտեք: