Զարհուրելի դեպք՝ Գեղարքունիքի մարզում. 39–ամյա հայրը սեռական բնույթի գործողություններ է կատարել իր 7-ամյա աղջկա նկատմամբ. երեխան տեղափոխվել է «Սուրբ Աստվածամայր» բժշկական կենտրոն

Զարհուրելի դեպք՝ Գեղարքունիքի մարզում. 39–ամյա հայրը սեռական բնույթի գործողություններ է կատարել իր 7-ամյա աղջկա նկատմամբ. երեխան տեղափոխվել է «Սուրբ Աստվածամայր» բժշկական կենտրոն

SHAMSHYAN.com-ի տեղեկություններով՝ օրեր առաջ զարհուրելի դեպք է տեղի ունեցել Գեղարքունիք մարզում:

Ինչպես հայտնում է ֆոտոլրագրող Գագիկ Շամշյանը, սեպտեմբերի 10-ին Երևանի «Սուրբ Աստվածամայր» բժշկական կենտրոն է տեղափոխվել մի երեխա, ով ունեցել է «ռեկտալ արյունահոսություն» ախտորոշում:

Նշված կենտրոնից ահազանգել են երեխայի բնակության վայրը սպասարկող տարածքային ոստիկանություն, որտեղից հիվանդանոց ժամանած ոստիկանության ծառայողներին երեխայի 39-ամյա հայրը հայտնել է, որ իր 7-ամյա աղջիկը ունեցել է փորկապություն և զուգարանում կարիքները հոգալու ժամանակ ստացել է մարմնական վնասվածք:

Դեպքի փաստով ոստիկանության Գեղարքունիքի մարզային վարչության և տարածքային ոստիկանության բաժնում սկսվում է հետաքննություն ու այսօր՝ սեպտեմբերի 16-ին, ձեռնարկված օպերատիվ-հետախուզական միջոցառումների արդյունքում երեխայի բնակության վայրի տարածքային ոտիկանության բաժնում օպերատիվ տվյալներ են ստացել, որ երեխան նշված մարմնական վնասվածքը ստացել է իր հոր կողմից սեքսուալ բնույթի բռնի գործողություններ կատարելու հետևանքով:

Ոստիկանները հայտնաբերել են երեխայի հորը և նման արարք կատարելու կասկածանքով բերման են ենթարկել ոստիկանության Գեղարքունիքի վարչության երեխայի բնակության վայրի տարածքային ոստիկանության բաժին, որտեղ էլ նա խոստովանել է արարքը, ինչից հետո նրան ներկայացրել են Հայաստանի քննչական կոմիտեի Գեղարքունիքի մարզային քննչաան վարչություն, որտեղ դեպքի փաստով նախաձեռնվել է քրեական վարույթ:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Понравилась статья? Поделиться с друзьями:
ՀԵՏԱՔՐՔԻՐ ԺԱՄԱՆՑ