Ներկայացնում ենք լավագույն շամպունի բաղադրատոմս մազերի աճի համար: Շամպունի պատրաստման համար պետք է սոդա և ջուր: Խառնիր 1:3 հարաբերակցությամբ: Շամպունի քանակը կարգավորիր մազերիդ երկարությանը համապատասխան: Եթե մազերդ երկար են, վերցրու 2-3 ճ/գ սոդա: Սոդան կարելի է
լուծել ցանկացած ջերմաստիճանի ջրում: Շամպունին կարելի է տարբեր եթերայուղեր ավելացնել: Օրինակ՝ մազերի աճն արագացնելու համար կարելի է շամպունին լավանդայի, խնկունու կամ երիցուկի յուղ ավելացնել: Դրանք բոլորը շատ օգտակար հատկություններ ունեն: Միայն թե նախքան յուղը շամպունի մեջ ավելացնելը այն խառնիր սոդային: Շամպունը պատրաստ է: Այն քսիր խոնավ մազերիդ՝ արմատներից մինչև ծայրերը: Թող մի քանի րոպե, հետո
լվա տաք ջրով: Դրանից հետո ավելի լավ է՝ մազերդ լվա քացախով և ջրով պատրաստված լուծույթով: Ավելի լավ է՝ խնձորի կամ գինու քացախ օգտագործել: Լուծույթը պատրաստվում է 1:4 հարաբերակցությամբ: Այդ լուծույթով ողողիր մազերդ, հետո լվա տաք ջրով: Շամպունի օգտագործման հակացուցումներ՝ 1. Եթե գլխամաշկի վրա վնասումներ կան: 2. Եթե մազերը շատ փխրուն և չոր են: 3. Եթե վերջերս քիմիական գանգրացում կամ ներկում էր արվել:
4. Բաղադրիչների անհատական անտանելիության դեպքում: 5. Սրտի և անոթների հիվանդությունների դեպքում: 6. Մաշկային վարակի հիվանդությունների դեպքում: Այս միջոցով փոխարինիր շամպունդ, շուտով արդյունքը կնկատես: Մազերն առողջ տեսք կստանան, կխտանան, ավելի արագ կաճեն:
