Թխվածքն այնքան նուրբ ու փափուկ է ստացվում։ Առաջին կտորը փորձելուց հետո՝ մեկնըդմիշտ կսիրահարվեք դրան։
Անհրաժեշտ բաղադրիչներ․
- 130գ շաքարավազ
- 3 ձու
- 200գ թթվասեր
- 250գ ալյուր
- վանիլին
- 2թ․գ․ փխրեցուցիչ
- 50գ բուսայուղ
- մի պտղունձ աղ
- ելակ
Պատրաստման եղանակ․
Ձուն հարել խորը տարայի մեջ, ավելացնել մի պտղունձ աղ և հարել։ Ընթացքում աստիճանաբար ավելացնել շաքարավազն ու վանիլինը։ Հարել՝ մինչ զանգվածը կդառնա սպիտակ և փքուն։
Հարած ձվին ավելացնել թթվասերը, բուսայուղը և շարունակել հարել՝ մինչ համասեռ զանգված կստացվի։
Ալյուրը մաղել ու միացնել փխրեցուցիչի հետ։ Փոքր բաժիններով ավելացնել հեղուկ զանգվածին և չափավոր խիտ խմոր ստանալ։
Ելակը լավ լվանալ, մաքրել, հատապտղի կեսը մանր կտրատել, իսկ մյուս կեսը՝ բաժանել 2 մասի։
Ֆորման ծածկել յուղաթղթով, լցնել խմորի կեսը և հավասարեցնել։ Դնել մանր կտրատած ելակը և լցնել մնացած խմորը, որի վրա էլ գեղեցիկ դասավորել մեջտեղից կտրած ելակները։
Ջեռոցը տաքացնել մինչ 180 ջերմաստիճանի և մեջն ուղարկել թխվածքը։ Թխել 40-50 րոպե։ Պատրաստ լինելը ստուգել չոփիկով։
Շաքարի փոշի ցանել և մատուցել։
Բարի ախորժակ։
